BİBLİOMETRİYA MÖVZUSUNDA USTAD DƏRSİ
Bakı Dövlət Universitetinin (BDU) İnformasiya və sənəd menecmenti fakültəsinin, Türkiyə Cümhuriyyətinin Bartın, Çankırı Karatekin və Kastamonu universitetlərinin Bilgi və bəlgə yönətimi bölümlərinin birgə təşkil etdikləri III Beynəlxalq Ənənədən Gələcəyə İnformasiya və Sənəd Menecmenti Simpoziumu çərçivəsində türkiyəli mütəxəssislərin fakültədə ustad dərsləri təşkil olunub.
Kastamonu Universitetinin Bilgi və bəlgə yönətimi bölümünün dosenti Hamid Dervişin “Bibliometriya və sosial şəbəkələrin təhlili” mövzusunda ustad dərsində müasir dövrdə xüsusi aktuallıq kəsb edən, bibliometriya, elmmetriya, bibliometrik analiz kimi mühüm istiqamətlər şərh olunub. Problemə sosial şəbəkələrin təhlili aspektindən yanaşılıb, bir sıra müqayisəli təhlillər aparılıb.
Mühazirə fakültə tələbələri tərəfindən maraqla qarşılanıb. Kastamonu Universitetinin Bilgi və bəlgə yönətimi bölümünün dosenti Hamid Dervişə çoxsaylı suallar ünvanlanıb.
