PROFESSOR HASAN KESEROĞLUNUN USTAD DƏRSİ
Bakı Dövlət Universitetinin (BDU) İnformasiya və sənəd menecmenti fakültəsinin, Türkiyə Cümhuriyyətinin Bartın, Çankırı Karatekin və Kastamonu universitetlərinin Bilgi və bəlgə yönətimi bölümlərinin birgə təşkil etdikləri III Beynəlxalq Ənənədən Gələcəyə İnformasiya və Sənəd Menecmenti Simpoziumu çərçivəsində türkiyəli mütəxəssislərin fakültədə ustad dərsləri təşkil olunub.
Kastamonu Universitetinin Bilgi və bəlgə yönətimi bölümünün başqanı, professor Hasan Keseroğlunun “Peşə etikası” mövzusunda ustad dərsində peşə etikasının ümumi anlayışları şərh edilib, bu sahədə Türkiyədə və digər ölkələrdə aparılan araşdırmalar diqqətə çatdırılıb, bir sıra müqayisəli təhlillər aparılıb. Kitabxana xidmətində peşə etikasının spesifik cəhətləri vurğulanıb.
Mühazirə fakültə tələbələri tərəfindən maraqla qarşılanıb. Kastamonu Universitetinin Bilgi və bəlgə yönətimi bölümünün başqanı, professor Hasan Keseroğlu çoxsaylı sualları cavablandırıb.
