ATATÜRK UNİVERSİTETİNİN PROFESSORUNUN USTAD DƏRSİ
Bakı Dövlət Universitetinin (BDU) İnformasiya və sənəd menecmenti fakültəsinin, Türkiyə Cümhuriyyətinin Bartın, Çankırı Karatekin və Kastamonu universitetlərinin Bilgi və bəlgə yönətimi bölümlərinin birgə təşkil etdikləri III Beynəlxalq Ənənədən Gələcəyə İnformasiya və Sənəd Menecmenti Simpoziumu çərçivəsində türkiyəli mütəxəssislərin fakültədə ustad dərsləri təşkil olunub.
Atatürk Universitetinin Bilgi və bəlgə yönətimi bölümünün başqanı, professor Dündar Ali Kılıçın “Arxivlər: keçmişdən gələcəyə miras” mövzusunda ustad dərsində Türkiyədə arxivlərin yaranması və formalaşması dövrləri, müasir vəziyyəti, bu sahədə yeni tendensiyalar şərh olunub. İnformasiya cəmiyyətinin inkişafında arxivlərin əhəmiyyəti diqqətə çatdırılıb, arxiv fəaliyyəti sahəsində rəqəmsallaşdırmanın vacibliyi vurğulanıb.
Mühazirə fakültə tələbələri tərəfindən maraqla qarşılanıb, Atatürk Universitetinin Bilgi və bəlgə yönətimi bölümünün başqanı, professor Dündar Ali Kılıça çoxsaylı suallar ünvanlanıb.
