Bakı Dövlət Universiteti İnformasiya və sənəd menecmenti fakültəsi

Bakı Dövlət Universitetinin İnformasiya və sənəd menecmenti fakültəsinin dekanı dosent Ələmdar Cabbarlı Türkiyə Cümhuriyyətinin Bartın Universitetində olub. Fakültə dekanı səfər çərçivəsində Bartın Universitetinin Ədəbiyyat fakültəsinin dekanı professor Aslı Yazıcı və İnformasiya və sənəd menecmenti bölümünün başqanı dosent Ahmet Atayla görüşüb.

Görüşdə fakültələr arasında əlaqələrin müxtəlif platformalarda inkişaf etdirildiyi, indiyə qədər birgə beynəlxalq elmi konfransların, ustad dərsləri və elmi seminarların keçirildiyi diqqətə çatdırılıb, yeni əməkdaşlıq perspektivləri müzakirə olunub.