BARTIN UNİVERSİTETİNİN BÖLÜM BAŞQANININ USTAD DƏRSİ
Bakı Dövlət Universitetinin (BDU) İnformasiya və sənəd menecmenti fakültəsinin, Türkiyə Cümhuriyyətinin Bartın, Çankırı Karatekin və Kastamonu universitetlərinin Bilgi və bəlgə yönətimi bölümlərinin birgə təşkil etdikləri III Beynəlxalq Ənənədən Gələcəyə İnformasiya və Sənəd Menecmenti Simpoziumu çərçivəsində türkiyəli mütəxəssislərin fakültədə ustad dərsləri təşkil olunub.
Bartın Universitetinin Bilgi və bəlgə yönətimi bölümünün başqanı, dosent Ahmet Altayın “İnformasiya cəmiyyətinə inteqrasiyada xalq kitabxanalarının rolu” mövzusunda ustad dərsində Türkiyədə xalq kitabxanaların yaranması və formalaşması dövrləri, müasir vəziyyəti, bu sahədə yeni tendensiyalar şərh olunub. İnformasiya cəmiyyətinə inteqrasiyada xalq kitabxanalarının əhəmiyyəti diqqətə çatdırılıb.
Mühazirə fakültə tələbələri tərəfindən maraqla qarşılanıb, Bartın Universitetinin Bilgi və bəlgə yönətimi bölümünün başqanı, dosent Ahmet Altaya çoxsaylı suallar ünvanlanıb.
