Beynəlxalq konfransın bağlanış mərasimi
-lg.jpg)
Bakı Dövlət Universitetinin Kitabxanaçılıq-informasiya fakültəsinin yaranmasının 60 illiyinə həsr olunmuş “Sənəd və informasiya menecmenti üzrə kadr hazırlığı: üstünlükləri, perspektivləri” mövzusunda Beynəlxalq elmi konfransın “Kitabxanaçılıq və informasiya fəaliyyəti: ənənədən müasirliyə” bölməsinin iclası və konfransın bağlanış mərasimi keçirilib.
BDU-nun Kitabxanaçılıq-informasiya fakültəsinin elmi işlər üzrə dekan müavini, dosent Zahidə Rzayeva bölmə iclasına sədrlik edib. Bölmənin iclasında Biblioqrafiyaşünaslıq kafedrasının dosenti Sima İsmayılova, Kitabxanaşünaslıq kafedrasının dosenti Nazlı Həsənova, Kitabxana resursları və informasiya axtarış sistemləri kafedrasının dosenti Rəşad Qardaşov, Kitabxanaçılıq-informasiya fakültəsinin dekan müavini Daşqın Məhəmmədli, Azərbaycan Dövlət Mədəniyyət və İncəsənət Universitetinin müəllimi Kəmalə Məmmədova, Respublika Dövlət Elmi Tibb Kitabxanasının əməkdaşı İradə Əlili, Azərbaycan Turizm və Menecment Universitetinin əməkdaşı Hacı Qasımlı, BDU-nun Elmi Kitabxanasının əməkdaşı Yusif Əsədullayev, magistrant Zərxanım Məmmədova məruzə ediblər. Məruzələr ətrafında geniş diskussiyalar aparılıb.
Sonra Beynəlxalq konfransın bağlanış mərasimi keçirilib, iştirakçılara sertifikatlar təqdim olunub.
