BEYNƏLXALQ SİMPOZİUM KEÇİRİLƏCƏK
28-29 noyabr tarixlərində Bakı Dövlət Universitetinin ev sahibliyi ilə BDU-nun İnformasiya və sənəd menecmenti fakültəsinin, Türkiyə Cümhuriyyətinin Bartın, Çankırı Karatekin və Kastamonu Universitetlərinin Bilgi və bəlgə yönətimi bölümlərinin birgə təşkil etdikləri III Beynəlxalq Ənənədən Gələcəyə İnformasiya və Sənəd Menecmenti Simpoziumu keçiriləcək.
Azərbaycanda “Yaşıl dünya naminə həmrəylik ili”nə həsr olunmuş İnformasiya menecmenti və davamlı inkişaf mövzusunda III Beynəlxalq Ənənədən Gələcəyə İnformasiya və Sənəd Menecmenti Simpoziumunun açılış mərasimi və plenar iclasının ardınca Simpozium öz işini 2 gün ərzində bölmə iclaslarında davam etdirəcək. Bölmə iclaslarında Azərbaycan, Türkiyə və Özbəkistandan olan tədqiqatçıların ümumilikdə 60-a yaxın məruzəsi dinləniləcəkdir.