Bakı Dövlət Universiteti İnformasiya və sənəd menecmenti fakültəsi

Görkəmli kitabşünas alim, professor Bayram Allahverdiyevə həsr olunmuş biblioqrafiya çap olunub. “Bayram Allahverdiyev” adlı biblioqrafik göstərici alimin haqqında tərtib olunmuş ilk biblioqrafik vəsaitdir. 8 bölmədən ibarət biblioqrafik vəsaitə alimin yaradıcılığını əks edən çap olunmuş materiallar daxil edilmişdir (1960-2019-cu illər).

Göstərici daxilində təqdim edilən materiallar xronoloji prinsiplə tərtib edilib. Biblioqrafik nəşr kitabşünas alimlər, kitab­xanaçı-biblioqraflar və geniş oxucu kütləsi üçün nəzərdə tutulmuşdur.

Biblioqrafik nəşrin tərtibçisi tarix üzrə fəlsəfə doktoru Leyla Abasova, elmi redaktorları dosentlər Knyaz Aslan və Ələmdar Cabbarlı, elmi məsləhətçiləri isə dosentlər Nadir İsmayılov və Nailə Mehrəliyevadır.