BİRİNCİ KURS TƏLƏBƏLƏRİ İLƏ GÖRÜŞ
Bakı Dövlət Universitetinin (BDU) İnformasiya və sənəd menecmenti fakültəsinə qəbul olunmuş birinci kurs tələbələri ilə görüş keçirilib. Görüşdə fakültə rəhbərliyi tələbələri ölkənin ilk və ən nüfuzlu ali təhsil ocağına qəbul olmaları münasibətilə təbrik edərək, onlara Universitetin tarixi, bu günü, görkəmli məzunları ilə bağlı məlumat veriblər. Bildirilib ki, Ümummilli Liderimiz Heydər Əliyevin məzunu olmağı ilə fəxr etdiyi Bakı Dövlət Universitetində onlara mütəxəssis kimi yetişmək üçün hər cür şərait yaradılıb. Vurğulanıb ki, bütün xalqımız kimi, BDU-nun çoxminli kollektivi də Preizident, Müzəffər Ali Baş Komandan İlham Əliyevin rəhbərliyi ilə əldə edilmiş tarixi Zəfərimizin, dövlət suverenliyimizin bərpa olunmasının sonsuz qürurunu yaşayır.
Sonra tələbələrə fakültə və seçdikləri ixtisaslar haqqında, BDU-dakı mövcud tədris sistemi, tələbələrin biliyinin qiymətləndirilməsi, imtahanların təşkili barədə məlumat verilib.
Tələbələrə həmçinin dərs cədvəli, biliyin qiymətləndirməsi mexanizmi, mühazirə, məşğələ, laboratoriya dərsləri ilə bağlı əsas anlayışlar izah olunub.
Görüş tələbələrin çoxsaylı suallarının cavablandırılması ilə yekunlaşıb.
