Bakı Dövlət Universiteti İnformasiya və sənəd menecmenti fakültəsi

“BDU könüllüləri” təşkilatının İnformasiya və sənəd menecmenti fakültəsi üzrə könüllülərinin təşəbbüsü ilə Azərbaycan Dəmiryol Muzeyinə ekskursiya keçirilib.

Ekskursiya zamanı iştirakçılara Azərbaycan Dəmir Yolunun yaranma tarixi, inkişaf mərhələləri və muzeydə nümayiş etdirilən nadir eksponatlar haqqında ətraflı məlumat verilib. Könüllülər dəmir yolunun ölkə iqtisadiyyatında və ictimai həyatında oynadığı mühüm rol barədə maraqlı faktlarla tanış olublar.

Qeyd edək ki, ekskursiyanın əsas məqsədi tələbələrin ölkəmizin nəqliyyat tarixini yaxından tanıması, eləcə də könüllülər arasında mədəni və maarifləndirici mühitin formalaşdırılması olub.