DİSSERTASİYA İŞİNİN İLKİN MÜZAKİRƏSİ KEÇİRİLİB
Bakı Dövlət Universitetinin (BDU) İnformasiya və sənəd menecmenti fakültəsində Kitabxanaşünaslıq kafedrasının doktorantı Seyidli Nigar Əliağa qızının “Müasir dövrdə kitabxanaların ictimaiyyətlə əlaqələr sisteminin formalaşdırılması prinsipləri” mövzusunda fəlsəfə doktorluğu üzrə dissertasiya işinin ilkin müzakirəsi keçirilib.
Dissertasiya işində ilk dəfə olaraq ölkəmizdə kitabxanaların PR şöbələrinin, o cümlədən yerli və xarici elmi kitabxanaların mətbuat xidmətlərinin mövcud təcrübəsi öyrənilir və ümumiləşdirilir. Kitabxanaların imicini idarə etmək üçün effektiv vasitə kimi PR texnologiyalarının tərkibi müəyyənləşdirilir. Tədqiqatçı tərəfindən işlənib hazırlanmış PR və imic kommunikasiyalarının formalaşdırılması konsepsiyası şərh olunur, problemin müasir mənzərəsi diqqətə çatıdırılır, kitabxanaların cəmiyyətlə əlaqlələr sistemi öyrənilir və təhlil olunur. Tədqiqat işində kitabxananın mətbuat xidmətinin nümunəvi modeli və normativ sənədləri layihələndirilir, kitabxana press-relizinin yaradılması və yayılması üçün vahid model təklif olunur.
Dissertasiyanın nəticə hissəsində mövzunun cəmiyyətə təsir mexanizminə aydınlıq gətirilir, problemin tədqiqi ilə bağlı dünya təcrübəsinə əsaslanaraq elmi ümumiləşdirmələr aparılır, tədqiqatın elmi, nəzəri və təcrübi yekunu ifadə olunur, sahənin inkişafı ilə əlaqədar praktik təkliflər irəli sürülür.
