DİSSERTASİYA İŞİNİN İLKİN MÜZAKİRƏSİ KEÇİRİLİB
Bakı Dövlət Universitetinin (BDU) İnformasiya və sənəd menecmenti fakültəsində Kitabxanaşünaslıq kafedrasının doktorantı Sevda Məmmədovanın “Azərbaycan ali məktəb kitabxanalarında oxuculara elektron informasiya vasitələri ilə xidmətin təşkili (2002-2012-ci illər) (Bakı Dövlət Universiteti, Azərbaycan Dövlət İqtisad Universiteti və Xəzər Universiteti kitabxanalarının təcrübəsi əsasında)” mövzusunda fəlsəfə doktorluğu üzrə dissertasiya işinin ilkin müzakirəsi keçirilib.
Dissertasiya işində haqqında bəhs olunan universitetlərin kitabxanalarının iş təcrübəsi öyrənilir. Tədqiqat işinin əhatə dairəsi, tədqiqatçının problemə yanaşma tərzi mövzunun aktuallığını əsaslandırır.
Dissertasiyanın nəticə hissəsində mövzuya yekun vurulur, problemin şərhi ilə bağlı ümumiləşdirmələr aparılır, tədqiqatın elmi, nəzəri və təcrübi yekunu ifadə olunur, bir sıra praktik əhəmiyyətli təkliflər irəli sürülür.