DİSSERTASİYA İŞİNİN İLKİN MÜZAKİRƏSİ KEÇİRİLİB
Bakı Dövlət Universitetinin (BDU) İnformasiya və sənəd menecmenti fakültəsində Kitabxanaşünaslıq kafedrasının doktorantı Aysel Həsənovanın “Müstəqillik illərində dövlət qulluqçularına kitabxana-informasiya xidmətinin müasir problemləri (Azərbaycan Respublikası Prezidenti İşlər İdarəsi Prezident Kitabxanasının materialları əsasında)” mövzusunda fəlsəfə doktorluğu üzrə dissertasiya işinin ilkin müzakirəsi keçirilib.
Dissertasiya işində dövlət qulluqçularına kitabxana-informasiya xidməti tədqiq olunur. Kitabxanaların dövlət qulluqçularının informasiya təminatındakı mühüm rolu araşdırılır. Dövlət qulluqçuları ilə kitabxana xidmətləri arasında kommunikasiyanın dövlət idarəçiliyinin səmərəli təşkili üçün mühüm əhəmiyyət kəsb etdiyi vurğulanır. Tədqiqat işinin əhatə dairəsi, tədqiqatçının problemə yanaşma tərzi mövzunun aktuallığını əsaslandırır.
Dissertasiyanın nəticə hissəsində mövzuya yekun vurulur, problemin şərhi ilə bağlı ümumiləşdirmələr aparılır, tədqiqatın elmi, nəzəri və təcrübi yekunu ifadə olunur, bir sıra praktik əhəmiyyətli təkliflər irəli sürülür.
