Bakı Dövlət Universiteti İnformasiya və sənəd menecmenti fakültəsi

İnformasiya və sənəd menecmenti fakültəsinin təşkilatçılığı ilə Xalq yazıçısı Anarın 85 illik yubileyinə həsr olunmuş "Mütaliə mədəniyyəti və oxucu məmnunluğu" mövzusunda Respublika Elmi Konfransı öz işini başa çatdırıb.

Konfransının "Ədəbiyyatşünaslıq", "Mütaliə mədəniyyəti", "Anar irsi kitabxana-informasiya resurslarında" və "Gənc tədqiqatçı" bölmələrinin sədrlərinin hesabatları dinlənilib. Bildirilib ki, konfransa 100-dən çox məqalə və tezis daxil olub. 2 gün ərzində plenar iclasda və 4 bölmə iclasında Xalq yazıçısı Anarın çoxşaxəli yaradıcılığı barədə, eyni zamanda sənəd və informasiya menecmenti, informasiya logistikası, mütaliə mədəniyyəti, oxucu zövqü, oxucu məmnunluğu, kitab sənayesi, müəlliflik hüququ və əlaqəli hüquqlar kimi sahələr üzrə ümumilikdə 50-dən çox məruzə dinlənilib, müzakirələr aparılıb.