ƏMƏKDAŞIMIZ DİSSERTASİYA İŞİNİ MÜDAFİƏ EDİB
Bakı Dövlət Universitetinin (BDU) İnformasiya və sənəd menecmenti fakültəsinin sosial məsələlər və tələbələrlə iş üzrə dekan müavini, Kitabxana-informasiya resurslarının idarə edilməsi kafedrasının doktorantı Daşqın Məhəmmədli 3356.01-“Kitabxanaşünaslıq, biblioqrafiyaşünaslıq və kitabşünaslıq” ixtisasında “Azərbaycan Respublikasının Şəki-Zaqatala iqtisadi regionunun kitabxana-informasiya infrastrukturu: inkişafı, müasir vəziyyəti və modernləşdirilməsi yolları” mövzusunda tarix üzrə fəlsəfə doktoru elmi dərəcəsi almaq üçün təqdim etdiyi dissertasiya işini AMEA Abbasqulu Ağa Bakıxanov adına Tarix və Etnologiya İnstitutu nəzdində fəaliyyət göstərən BED 1.30 Dissertasiya şurasında müdafiə edib.
Dissertasiya işində Azərbaycan Respublikasının Şəki-Zaqatala iqtisadi regionunun kitabxana-informasiya infrastrukturunun inkişafı xronoloji izlənilir, müasir vəziyyəti şərh olunur, iş materialları əsasında müvafiq təhlillər aparılır.
Dissertasiyanın nəticə hissəsində mövzunun cəmiyyətə təsir mexanizminə aydınlıq gətirilir, problemin tədqiqi ilə bağlı dünya təcrübəsinə əsaslanaraq elmi ümumiləşdirmələr aparılır, tədqiqatın elmi, nəzəri və təcrübi yekunu ifadə olunur, sahənin inkişafı ilə əlaqədar praktik təkliflər irəli sürülür.
