ƏMƏKDAŞLARIMIZIN MƏQALƏSİ Q1 KATEQORİYALI JURNALDA
Bakı Dövlət Universitetinin (BDU) İnformasiya və sənəd menecmenti fakültəsinin Kitabxana-informasiya resurslarının idarə edilməsi kafedrasının müdiri, dosent Sevda Xələfova və Sənəd menecmenti kafedrasının müdiri, dosent Nadir İsmayılovun həmmüəllif olduğu məqalə “Scopus” elmmetrik beynəlxalq bazasına daxil olan yüksək impakt faktorlu jurnalda dərc olunub.
“Information provision of Tourism and Economy in Azerbaijan and its bibliometric analysis” (“Azərbaycanda turizm və iqtisadiyyat sahəsi üzrə informasiya təminatı və onun bibliometrik təhlili”) adlı elmi məqalə Q1 kvartil kateqoriyalı “GeoJournal of Tourism and Geosites” jurnalında dərc olunub.
Məqalədə ölkəmizdə turizm və iqtisadiyyat sahələrinin informasiya təminatı tədqiq edilib, sahənin mövcud vəziyyəti aydınlaşdırılıb, bu istiqamətlərdə problemlər araşdırılıb və həll yolları şərh olunub. Araşdırmada turizm və iqtisadiyyat sahələrinə dair sənəd axını izlənilib, onların təsnifatı aparılıb, bu resurslar analitik cəhətdən təhlil olunub.
Məqaləni aşağıdakı linkdən oxumaq olar:
https://gtg.webhost.uoradea.ro/PDF/GTG-4-2024/gtg.56435-1349.pdf