KİTABXANA BİNALARI MÖVZUSUNDA USTAD DƏRSİ
Bakı Dövlət Universitetinin (BDU) İnformasiya və sənəd menecmenti fakültəsinin, Türkiyə Cümhuriyyətinin Bartın, Çankırı Karatekin və Kastamonu universitetlərinin Bilgi və bəlgə yönətimi bölümlərinin birgə təşkil etdikləri III Beynəlxalq Ənənədən Gələcəyə İnformasiya və Sənəd Menecmenti Simpoziumu çərçivəsində türkiyəli mütəxəssislərin fakültədə ustad dərsləri təşkil olunub.
İstanbul 29 Mayıs Universitetinin Bilgi və bəlgə yönətimi bölümünün başqanı, dosent Berrin Balkaş Yılmazın “Kitabxana binaları: davamlı memarlıq aspektindən dəyərləndirmə” mövzusunda ustad dərsində kitabxana binalarına qoyulan müasir tələblərdən bəhs edilib. Xüsusilə, yaşıl kitabxana hərəkatının geniş vüsət aldığı müasir dövrdə kitabxana binaları memarlıq aspektindən şərh olunub. Enerji və digər resurslara qənaət baxımından problemin izahı verilib.
Mühazirə fakültə tələbələri tərəfindən maraqla qarşılanıb. İstanbul 29 Mayıs Universitetinin Bilgi və bəlgə yönətimi bölümünün başqanı, dosent Berrin Balkaş Yılmaz çoxsaylı sualları cavablandırıb.
