MAGİSTRANTLARIN DİSSERTASİYA MÜDAFİƏSİ DAVAM EDİR
Bakı Dövlət Universitetinin (BDU) İnformasiya və sənəd menecmenti fakültəsində 2023/2024-cü tədris ili üzrə “Kitabxanaşünaslıq”, “Kitabxana-informasiya texnologiyası”, “Biblioqrafiyaşünaslıq”, “Biblioqrafik ehtiyatların yaradılması və istifadəsi” və “Sənəd resursları və informasiya axtarış sistemləri” ixtisaslaşmaları üzrə magistrlik dissertasiya işlərinin müdafiəsi keçirilib.
İnformasiya və sənəd menecmenti fakültəsində müvafiq ixtisaslaşmalar üzrə Müdafiə Şurasının sədri, Azərbaycan Respublikası Prezidentinin İşlər İdarəsinin Prezident Kitabxanasının direktoru, Dövlət qulluğunun baş müşaviri Mayıl Əhmədovun sədrliyi ilə keçirilən müdafiədə magistrantlar sahə üzrə aktual mövzularda yazdıqları dissertasiya işlərini təqdim ediblər. Mövzular ətrafında müzakirələr aparılıb, gənc tədqiqatçılara çoxsaylı suallar ünvanlanıb.
Sonda İnformasiya və sənəd menecmenti fakültəsi üzrə İxtisaslaşdırılmış Müdafiə Şurasının qərarı ilə dissertasiya işləri müvafiq qaydada qiymətləndirilib.
