MAGİSTRLİK DİSSERTASİYALARININ MÜDAFİƏSİ KEÇİRİLİR
Bakı Dövlət Universitetinin (BDU) İnformasiya və sənəd menecmenti fakültəsində 2023/2024-cü tədris ili üzrə “Nəşriyyat işi və redaktəetmə” ixtisaslaşması üzrə magistrlik dissertasiya işlərinin müdafiəsi keçirilib.
İnformasiya və sənəd menecmenti fakültəsində müvafiq ixtisaslaşma üzrə Müdafiə Şurasının sədri, Azərbaycan Milli Elmlər Akademiyasının (AMEA) “Akademiya” Kitab Mərkəzinin direktoru, filologiya elmləri doktoru Əliağa Cəfərovun sədrliyi ilə keçirilən müdafiədə magistrantlar sahə üzrə aktual mövzularda yazdıqları dissertasiya işlərini təqdim ediblər. Mövzular ətrafında müzakirələr aparılıb, gənc tədqiqatçılara çoxsaylı suallar ünvanlanıb.
Sonda İnformasiya və sənəd menecmenti fakültəsi üzrə İxtisaslaşdırılmış Müdafiə Şurasının qərarı ilə dissertasiya işləri müvafiq qaydada qiymətləndirilib.
