Bakı Dövlət Universiteti İnformasiya və sənəd menecmenti fakültəsi

Özbəkistanın Qo'qon Dövlət Universitetinin əməkdaşları Bakı Dövlət Universitetinin (BDU) İnformasiya və sənəd menecmenti fakültəsində olublar. Görüş zamanı fakültə rəhbərliyi tərəfindən dost və qardaş ölkədən gələn qonaqlara ölkəmizdəki təhsil mühiti, Azərbaycanın ilk universiteti olan BDU-nun tarixi və bu günü, eyni zamanda İnformasiya və sənəd menecmenti fakültəsi barədə geniş məlumat verilib.

Özbəkistanlı alimlər fakültənin tədris, elmi fəaliyyəti ilə tanış olublar, müxtəlif platformalarda əməkdaşlığı inkişaf etdirməklə bağlı müzakirələr aparıblar.