Bakı Dövlət Universiteti İnformasiya və sənəd menecmenti fakültəsi

Bakı Dövlət Universitetində (BDU) İnformasiya və sənəd menecmenti fakültəsinin təşkilatçılığı ilə Azərbaycan xalqının Ümummilli Lideri Heydər Əliyevin anadan olmasının 101-ci ildönümünə həsr olunmuş “Qərbi Azərbaycanda kitab və kitabxana mədəniyyəti” mövzusunda keçirilmiş Respublika elmi konfransının materialları çap olunub.

BDU-nun Nəşr Evində çap olunan konfans materiallarının “Qərbi Azərbaycan kitabxana-informasiya resurslarında”, “Qərbi Azərbaycana dair nəşrlər”, “Qərbi Azərbaycanın görkəmli şəxsiyyətləri” və “Kitabxanaşünaslıq, bibliqorafiyaşünaslıq və kitabşünaslıq” bölmələrində konfransın elmi istiqamətlərini əks etdirən aktual tezislər əksini tapır.