Bakı Dövlət Universiteti İnformasiya və sənəd menecmenti fakültəsi

Bakı Dövlət Universitetinin (BDU) İnformasiya və sənəd menecmenti fakültəsinin bir qrup tələbəsi 18 May - Beynəlxalq Muzeylər Günü münasibətilə Lənkəran şəhərində yerləşən Lənkəran Tarix-Diyarşünaslıq Muzeyini ziyarət ediblər.

Lənkəran Tarix-Diyarşünaslıq Muzeyinin direktoru, tarix üzrə fəlsəfə doktoru Leyla Məcidova tələbələrə muzeyin yaranma tarixi, yerləşdiyi tarixi bina, burada qorunub mühafizə edilən eksponatlar haqqında ətraflı məlumat verib, muzeyin fəaliyyət istiqamətləri barədə informasiyaları diqqətə çatdırıb.

Tələbələr ziyarətin onlarda böyük təəssürat yaratdığını bildirib, muzeyin rəy kitabına ürək sözlərini yazıblar.