TƏLƏBƏMİZ UNİVERSİTET SEMİNARINDA ÇIXIŞ EDİB
Bakı Dövlət Universitetinin (BDU) Tələbə Elmi Cəmiyyətinin (TEC) “Yaşıl dünya naminə həmrəylik ili”nə həsr olunmuş silsilə seminarlar çərçivəsində İnformasiya və sənəd menecmenti fakültəsinin III kurs tələbəsi Nəbibə Məmmədzadə “Yaşıl dünya naminə həmrəylik ili və kitabxanaların hədəfləri” mövzusunda məruzə edib. Məruzədə yaşıl kitabxana anlayışı, bu konsepsiyanın kitabxana-informasiya fəaliyyətində əhəmiyyəti ilə bağlı məlumat verilib.
Araşdırmada yaşıl kitabxanaların missiyası, arxitekturası və funksiyaları müasir elmmetrik səviyyədə təqdim olunub. Dünyanın müxtəlif ölkələrində yaşıl kitabxana hərəkatının yaranması və inkişaf mərhələləri, bu tipli kitabxanaların standartlaşması, brendləşdirilməsi və sertifikasiyası məsələləri, beynəlxalq təşkilatların yaşıl kitabxana hərəkatına dəstəyi şərh olunub, bütün bu proseslərdə kitabxanaların yeni hədəfləri göstərilib.
