Bakı Dövlət Universiteti İnformasiya və sənəd menecmenti fakültəsi

Bakı Dövlət Universitetinin Kitabxanaçılıq-informasiya fakültəsinin yaranmasının 60 illiyinə həsr olunmuş “Sənəd və informasiya menecmenti üzrə kadr hazırlığı: üstünlükləri, perspektivləri” mövzusunda Beynəlxalq elmi konfrans öz işini bölmə iclaslarında davam etdirib.

Türkiyə Cümhuriyyətinin Kastamonu Universitetinin Bilgi və bəlgə yönətimi fakültəsinini dekanı, professor Hasan Kəsəroğlu Beynəlxalq konfransın “Sənəd və informasiya menecmentində beynəlxalq təcrübə” bölməsinin iclasına sədrlik edib. Bölmənin iclasında Özbəkistanın Termez Dövlət Universitetinin birinci prorektoru, dosent Obid Şəfiyev, Kastamonu Universitetinin Bilgi və bəlgə yönətimi fakültəsinini dekanı, professor Hasan Kəsəroğlu, BDU-nun Elmi Kitabxanasının direktoru, dosent Nigar İsmayılova, AMEA, Nizami Gəncəvi adına Ədəbiyyat İnstitutunun şöbə müdiri, professor Almaz Ülvi, Biblioqrafiyaşünaslıq kafedrasının dosenti Solmaz Sadıqova, Respublika Dövlət Elmi Tibb Kitabxasının direktoru Yeganə Pirəliyeva, Azərbaycan Milli Kitabxanasının şöbə müdiri Nurlana Ağayeva, ADA Universiteti Kitabxanasının əməkdaşı Kamran İsazadə, Cəfər Cabbarlı adına Respublika Gənclər Kitabxanasının əməkdaşı Günay Həsənova, Şirvan şəhər Mərkəzi Kitabxanasının şöbə müdiri Kəmalə Quliyeva, doktorantlar Aynur Ələkbərova və Esmira Zərbaliyeva məruzə ediblər. Məruzələr ətrafında geniş diskussiyalar aparılıb.