Elmi jurnalın yeni sayı çap olunub
Bakı Dövlət Universitetinin İnformasiya və sənəd menecmenti fakültəsinin Redaksiya-nəşriyyat işi kafedrasının müdiri, dosent Knyaz Aslanın baş redaktorluğu ilə nəşr olunan “Kitabşünaslıq və redaktor sənəti” jurnalının yeni sayı çap olunub. Jurnalın yeni sayının “Kitabşünaslıq və nəşriyyat işi”, “Ədəbiyyatşünaslıq”, “Jurnalistika”, “Kitabxanaşünaslıq”, “Pedaqogika”, “Beynəlxalq münasibətlər”, “Kitab nəşri” bölmələrində müvafiq elm və fəaliyyət sahələrinə dair aktual elmi məqalələr əksini tapıb.
Qeyd edək ki, “Kitabşünaslıq və redaktor sənəti” jurnalı 2015-ci ildən nəşr olunur. Jurnal Azərbaycan Respublikasının Prezidenti yanında Ali Attestasiya Komissiyası Rəyasət Heyətinin 13 mart 2019-cu il tarixli iclasının qərarı ilə Filologiya elmləri üzrə məqalələrin dərc olunması tövsiyə edilən dövri elmi nəşrlərin siyahısına daxil edilmişdir.
-xs.jpg)