FAKÜLTƏ RESPUBLİKA KONFRANSINDA TƏMSİL OLUNUB
Bakı Dövlət Universitetinin (BDU) İnformasiya və sənəd menecmenti fakültəsinin əməkdaşları AMEA-nın Mərkəzi Elmi Kitabxanasının (MEK) təşkilatçılığı ilə Ümummilli Lider Heydər Əliyevin anadan olmasının 101-ci ildönümünə həsr olunmuş “Kitabxanaşünaslığın aktual problemləri” mövzusunda Respublika elmi konfransında iştirak ediblər.
Konfransın plenar iclasında AMEA-nın prezidenti, akademik İsa Həbibbəyli, Milli Kitabxananın direktoru, professor Kərim Tahirov, Prezident Kitabxanasının direktor müavini Kamalə Sarıcalinskaya, BDU-nun İnformasiya və sənəd menecmenti fakültəsinin dekanı dosent Ələmdar Cabbarlı, ADA Universiteti Kitabxanasının direktoru Elçin Məmmədov, Fövqaladə Hallar Nazirliyi Akademiyasının Ümumi kitabxanasının rəisi Şəlalə Həziyeva çıxış ediblər.
Konfrans işini “Heydər Əliyev və Azərbaycanda kitab mədəniyyəti”, “Elm-kitabxana-cəmiyyət qarşılıqlı əlaqə də”, “Dəyişən sosial mühitdə kitabxanaların rolu” bölmələri üzrə iclaslarla davam edib.
İnformasiya və sənəd menecmenti fakültəsinin kafedra müdirləri dosent Knyaz Aslan və dosent Nadir İsmayılov bölmə iclaslarına sədrlik ediblər, fakültənin 30-a yaxın əməkdaş və doktorantı bölmə iclaslarında məruzə ediblər.
